Në protestën e organizuar nga Partia Demokratike më 20 shkurt, 52 persona u shoqëruan nga policia, prej të cilëve 17 u arrestuan dhe 35 të tjerë u proceduan në gjendje të lirë. Tubimi, që zgjati rreth katër orë para kryeministrisë dhe Kuvendit, u shoqërua me incidente, ku protestuesit hodhën bomba molotov, ndërsa policia iu kundërpërgjigj me ujë me presion dhe gaz lotsjellës. Kryedemokrati Sali Berisha iu bashkua turmës me maskë anti-gaz dhe syze mbrojtëse, duke dënuar sulmin ndaj selisë së PD-së dhe veprimet e policisë. Ai njoftoi se data e protestës së ardhshme do të bëhet e ditur së shpejti.