Gjatë protestës së organizuar nga Partia Demokratike në Tiranë, situata u përshkallëzua në akte dhune ndaj forcave të rendit, duke sjellë lëndimin e gjashtë punonjësve të policisë. Të plagosurit, pjesëtarë të Forcës së Posaçme “Shqiponja”, Forcës Kombëtare të Sigurisë dhe Policisë Rrugore, po marrin trajtim mjekësor në Spitalin e Traumës dhe në QSUT, ndërsa gjendja e tyre është jashtë rrezikut për jetën. Gjatë protestës u hodhën koktej molotovi dhe fishekzjarrë ndaj policisë, e cila përdori gaz lotsjellës për të shpërndarë turmën. Policia e Shtetit ka bërë thirrje për shmangien e dhunës dhe ka dënuar ashpër sulmet ndaj punonjësve të saj dhe institucioneve shtetërore, duke theksuar se ka marrë masa për ruajtjen e rendit dhe garantimin e së drejtës për të protestuar.