Kolektivi për Mendim dhe Veprim Feminist ka organizuar një protestë në sheshin “Zahir Pajaziti” në Prishtinë, me moton “Vrasja e grave të trajtohet si urgjencë kombëtare”. Protestuesit kërkojnë reagim më të fuqishëm institucional dhe masa konkrete për parandalimin e dhunës me bazë gjinore dhe vrasjeve të grave. Organizatorët theksojnë se këto raste nuk duhet trajtuar si incidente të izoluara, por si problematika që kërkojnë veprim të menjëhershëm nga shteti. Ata bëjnë thirrje për forcimin e mekanizmave mbrojtës ndaj grave në rrezik dhe për mbështetjen e viktimave, duke kërkuar masa që të parandalojnë ngjarje të reja tragjike.