Në Prishtinë do të mbahet një protestë me moton “Vrasja e grave të trajtohet si urgjencë kombëtare”, pas dy vrasjeve të grave brenda pak ditësh në Malishevë dhe Prizren. Organizatorët theksojnë se këto ngjarje nuk janë incidente të izoluar, por pasojë e dhunës sistematike ndaj grave dhe kërkojnë ndryshime të thella institucionale dhe shoqërore. Ata kërkojnë trajtimin e femicidit si një problem urgjent kombëtar, përfshirjen e edukimit gjithëpërfshirës për barazinë gjinore dhe kodifikimin e femicidit si vepër të veçantë penale. Protestuesit synojnë të rrisin ndërgjegjësimin dhe të kërkojnë përgjegjësi institucionale për parandalimin e dhunës ndaj grave dhe përmirësimin e sigurisë së tyre.