Një grup prej 9 protestuesish në Tiranë u proceduan penalisht pasi qëndruan deri në orët e para të mëngjesit pas një tubimi para Kryeministrisë. Ata kanë tejkaluar orarin e lejuar dhe kanë zaptuar hapësirën publike në bulevardin “Dëshmorët e Kombit”, duke vendosur karrige metalike dhe penguar qarkullimin e automjeteve. Pavarësisht thirrjeve të policisë për lirimin e hapësirës dhe respektimin e ligjit, protestuesit refuzuan të largohen, duke shkaktuar ndërhyrjen e strukturave të rendit. Materialet e mbledhura do t’i referohen Prokurorisë për veprat penale të pengimit të qarkullimit, prishjes së qetësisë publike dhe pjesëmarrjes në grumbullime të paligjshme.