Punëtorët teknikë dhe sigurimi fizik në Universitetin e Prishtinës “Hasan Prishtina” kanë paralajmëruar nisjen e grevës dhe protestave të menjëhershme pas dështimit të marrëveshjes për rritjen e pagave. Në një takim mes kryesisë së Sindikatës dhe rektorit Arben Hajrullahu, u bë e qartë se pagat nuk do të ndryshojnë deri në gusht të vitit 2027. Kryetari i Shoqatës së Punëtorëve të Sigurimit Fizik, Arsim Xhinovci, njoftoi Federatën Sindikale të Punëtorëve të Sektorit Privat të Kosovës për vendimin për protesta dhe greva. Nëse nuk arrihet rritja e pagave, punëtorët paralajmërojnë largimin kolektiv nga shërbimi i sigurimit, duke theksuar se pagat aktuale janë të pamjaftueshme dhe qesharake.