Një punëtore 21-vjeçare në “Viva Fresh Store” në Prishtinë ka denoncuar kolegun e saj 71-vjeçar për ngacmim të përsëritur. Ajo ka treguar se prej disa ditësh ishte duke u përballur me komente dhe sjellje shqetësuese nga i dyshuari, i cili gjatë një pauze në punë dyshohet se e ka prekur në fytyrë. Ngjarja ka ndodhur brenda hapësirave të marketit, ku viktima ka kërkuar ndihmën e Policisë pas ndjesisë së shqetësimit dhe frikës. Pas denoncimit, Prokurori i Shtetit ka urdhëruar nisjen e hetimeve për ngacmim, ndërsa i dyshuari është ndaluar për 48 orë dhe hetimet vazhdojnë.