Më 25 mars rreth orës 09:00 në fshatin Seqishtë të Hanit të Elezit, një punëtor i kompanisë “Elektra”, B. Dernjani, ka pësuar një aksident në vendin e punës duke rënë nga një vinç në gurthyesin “Guri i Bekuar”, që operon nën kompaninë “ALBA Grup”. Dyshohet se ai ka pësuar marramendje para rënies nga një lartësi rreth 3 metra. I lënduari ka marrë trajtim fillestar në Qendrën Kryesore të Mjekësisë Familjare në Han të Elezit dhe më pas është dërguar në Emergjencën e Ferizajt për trajtim të mëtejshëm, ku mjekët konfirmojnë se gjendja e tij është jashtë rrezikut për jetë. Në vendin e ngjarjes kanë dalë njësitë policore, të cilat po kryejnë hetimet për të sqaruar rrethanat e aksidentit, ndërsa rasti është regjistruar si “Rrezikim i sigurisë në vendin e punës”.