Një ngjarje tragjike ndodhi në Termocentralin Kosova B në Obiliq, ku punëtori 55-vjeçar Mixhen Sadiku humbi jetën si pasojë e një aksidenti në vendin e punës. Ai u godit aksidentalisht nga një kamion që po lëvizte mbrapa, ndërsa i dyshuari, një mashkull kosovar, u arrestua menjëherë nga Policia e Kosovës. Vdekjen e viktimës e konstattoi ekipi mjekësor në vendin e ngjarjes, ndërsa trupi i pajetë u dërgua për obduksion në Institutin e Mjekësisë Ligjore me vendim të prokurorit. I dyshuari është dërguar në mbajtje për procedura të mëtejshme ligjore, ndërsa Policia ka dhënë detaje të plota për incidentin në raportin e saj 24-orësh.