Një punëtor 32-vjeçar nga Shkupi ka pësuar lëndime të rënda pas një goditjeje elektrike gjatë kryerjes së detyrave në një oborr në Kumanovë. Ngjarja ndodhi në rrugën “100”, në pronësi të një banori lokal, dhe pas ndihmës së parë, i lënduari u transferua për trajtim të specializuar në Kompleksin e Klinikave “Nëna Terezë” në Shkup. Policia dhe inspektorati për siguri në punë kanë nisur hetimet në vendin e ngjarjes, ndërsa prokurori publik është njoftuar për rastin. Autoritetet po marrin masa për zbardhjen e plotë të shkakut dhe rrethanave të aksidentit.