Banorët e lagjes “Dardania” në Fushë Kosovë ankohen për vonesat e mëdha në punimet e rrugës, të cilat kanë nisur që në tetor dhe ende nuk janë përfunduar pas shtatë muajsh. Ata shprehin pakënaqësi për ritmin e ngadaltë të punimeve, mungesën e transparencës dhe kushtet e vështira me pluhur dhe mbeturina në zonë. Komuna e Fushë-Kosovës sqaron se vonesat janë shkaktuar nga instalimet ekzistuese pranë traseve të reja, që kanë penguar procesin, dhe se gjatë dimrit ka pasur ngecje në punime. Aktualisht, punimet janë përqendruar në njërin krah të rrugës dhe pritet të përfundojnë brenda muajve gusht-shtator, ndërsa banorët kërkojnë përshpejtim dhe informim më të mirë për ecurinë e projektit.