Gypi i ujësjellësit me diametër 225 milimetra në sheshin “Xhorxh Bush” është dëmtuar gjatë punimeve të kryera nga operatorët ekonomikë të Komunës së Prishtinës. Si pasojë, objektet në këtë zonë kanë mbetur pa furnizim me ujë deri në riparimin e defektit. Dëmtimi është i natyrës së ndërlikuar, dhe pritet që riparimi të zgjasë më shumë kohë nga sa ishte parashikuar. Ekipet e mirëmbajtjes së ujësjellësit janë në terren dhe po punojnë intensivisht për të rikthyer furnizimin me ujë në normalitet sa më shpejt të jetë e mundur.