Qendra Klinike Universitare e Kosovës ka blerë 70 pajisje ultrasonike me vlerë 3,500 euro për të larguar qentë endacakë nga oborri i saj. Pajisjet, që lëshojnë tinguj me frekuencë të lartë të padëgjueshëm për njerëzit por irritues për kafshët, do të vendosen në zonën nga rruga A, jug-përendimore dhe jug-lindore, duke mbuluar pjesën nga Spitali Amerikan deri tek Klinika e Pulmologjisë. Kjo masë vjen pas dhjetëra sulmeve nga qentë ndaj qytetarëve dhe stafit shëndetësor, që detyroi QKUK-në të formojë një Komision Emergjent bashkë me komunën e Prishtinës. Megjithatë, nga komuna nuk ka pasur përgjigje nëse do të ndihmojnë në zgjidhjen e këtij problemi.