Qendra Klinike Universitare e Kosovës (QKUK) ka marrë masa për të ndaluar lëvizjen e lirë të qenve endacakë brenda oborrit të saj, duke blerë 70 pajisje ultrasonike me frekuencë të lartë që irritojnë kafshët dhe i pengojnë ato të afrohen në zonë. Këto pajisje do të vendosen në pjesën jug-përendimore dhe jug-lindore të oborrit, duke mbuluar zonën nga Spitali Amerikan deri te Klinika e Pulmologjisë. Vendosja e pajisjeve do të bëhet brenda një dite, ndërsa kjo masë vjen pas dhjetëra rasteve të sulmeve nga qentë ndaj qytetarëve dhe stafit shëndetësor. Komisioni Emergjent i themeluar nga QKUK bashkë me komunën e Prishtinës po përpiqet të adresojë këtë problem, megjithëse nga komuna nuk ka pasur përgjigje nëse do të ofrojnë ndihmë.