Pas një aksidenti tragjik ku u përfshi një veturë dhe motoçikleta me të cilën udhëtonte Laurent Krasniqi, i riu pësoi lëndime të rënda dhe nuk arriti t’u mbijetojë plagëve, edhe pse u dërgua me urgjencë në Qendrën Klinike Universitare të Kosovës. Në nderim të tij, qindra motoristë u mblodhën për t’i dhënë lamtumirën e fundit, duke shprehur ngushëllimet dhe respektin ndaj familjes dhe kujtimit të Laurentit. Atmosfera ishte e rënduar nga dhimbja, ndërsa prania e madhe dëshmonte lidhjet e forta dhe miqësinë që ai kishte krijuar me komunitetin e motoristëve dhe njerëz të tjerë. Familjarë, miq dhe të afërm përcollën Laurent Krasniqin në banesën e fundit, duke i dhënë një përkujtim të veçantë dhe të paharrueshëm.