Një qytetare nga fshati Peqan në Suharekë ka gjetur 300 euro në tokë pranë një restoranti dhe i ka dorëzuar menjëherë në stacionin policor. Pas verifikimit të kamerave të sigurisë, policia ka identifikuar dhe i ka kthyer paratë pronarit të tyre, një qytetar nga Suhareka. Policia e Kosovës ka falënderuar qytetaren për veprimin e saj shembullor dhe ka inkurajuar qytetarët të ndjekin këtë model ndershmërie dhe bashkëpunimi me institucionet. Gjithashtu, është rikujtuar se marrja e sendeve të huaja të gjetura është vepër penale dhe ndëshkohet sipas Kodit Penal të Kosovës.