Inspektorati Policor i Kosovës ka publikuar një raport inspektimi mbi trajtimin e rasteve të trafikimit me narkotikë nga Njësia e Hetimit të Narkotikëve në Prishtinë, ku evidentohen mangësi të shumta në procesin hetimor. Nga 541 informata të shpërndara gjatë viteve 2022-2024, vetëm 220 raste janë përfunduar, ndërsa 321 mbeten pa zgjidhje ose aktive, duke treguar mungesë efikasiteti dhe shkëmbimi të ulët të informatave kthyese. Raporti thekson gjithashtu se hetuesit nuk bëjnë planifikim adekuat në fazën e hetimeve dhe ka angazhim të mangët në përdorimin e masave të fshehta hetimore, si përgjimi dhe monitorimi, për shkak të lëvizjeve të dyshuarve. Një rekomandim i rëndësishëm është që hetuesit të kalojnë verifikimin e sigurisë për të pasur qasje në informacione të klasifikuara, duke vendosur mekanizma të brendshëm kontrolli për të rritur efikasitetin dhe sigurinë në trajtimin e rasteve të narkotikëve.