Rasti i Artan Grubit, i dyshuar për keqpërdorime prej 8 milionë eurosh në “Lotarinë Shtetërore”, po zvarritet prej kohësh, duke shkaktuar shqetësim në opinionin publik. Grubi, i njohur si figura kyçe e BDI-së që posedon informacion të rëndësishëm për marrëveshjet dhe aferat e pushtetit të kaluar, ende nuk ka përballur epilogun institucional të akuzave. Nga VLEN theksojnë se zvarritja e këtij rasti mund të lidhet me mbrojtje të interesave politike dhe përfshirjen e prokurorit Islam Abazi, i cili dyshohet për ndikim në ngadalësimin e hetimeve. Qytetarët kërkojnë përgjigje dhe veprim të shpejtë, pasi çdo vonesë dëmton besimin në drejtësi dhe rrugën evropiane të vendit.