Një vajzë nga Malisheva ka denoncuar të fejuarin e saj për dhunë fizike dhe psikike, duke raportuar ngjarjen në Stacionin Policor lokal. Viktima, e identifikuar me inicialet I.K., ka deklaruar se është nënshtruar dhunës nga i fejuari R.Th., i cili gjatë intervistimit ka mohuar të gjitha pretendimet dhe ka thënë se marrëdhëniet mes tyre janë të mira. Prokurori kujdestar është kontaktuar dhe ka urdhëruar që rasti të ndiqet në procedurë të rregullt. I dyshuari është liruar, ndërsa viktima, me pëlqimin e saj, është kthyer në shtëpinë e prindërve të saj.