Një ngjarje shqetësuese ka ndodhur në Ferizaj, ku një 14-vjeçare ka kërkuar ndihmë në një pikë karburanti “Hib Petrol” pasi dyshohet se është sulmuar seksualisht nga një 44-vjeçar gjatë udhëtimit me veturë. Viktima, e cila kishte refuzuar kërkesat e të dyshuarit për takim dhe për të shkuar në hotel, është prekur pa pëlqimin e saj në pjesën e këmbëve dhe kofshëve. Pas kërkesës së saj për ndalimin e makinës në “Hib Petrol”, një qytetar ka reaguar duke njoftuar policinë, e cila ka arrestuar menjëherë të dyshuarin. Rasti është iniciuar si “Sulm seksual” dhe hetimet vazhdojnë, ndërsa e mitura është trajtuar mjekësisht dhe është kthyer në shtëpi në shoqërim të babait të saj.