Gjykata e Apelit ka anuluar aktgjykimin e mëparshëm dhe ka kthyer në rigjykim rastin ndaj Besart Mulakut, Kushtrim Krasniqit dhe Festim Krasniqit, të akuzuar për zjarrvënie në restorantin “Berlini” në magjistralen Ferizaj-Prishtinë. Vendimi u mor pasi u konstatua se gjyqtarja e procedurës paraprake, Hakile Ilazi, kishte urdhëruar sekuestrimin e provave dhe më pas kishte gjykuar rastin si gjyqtare e vetme, duke krijuar konflikt interesi dhe shkelje të rëndësishme të procedurës penale. Mbrojtësit e të akuzuarve kishin kërkuar lirimin nga akuza ose rigjykim, ndërsa Prokuroria dhe pala e dëmtuar kërkonin vërtetimin e aktgjykimit. Apeli këshillon që në rigjykim të shmangen të gjitha shkeljet dhe të merret një vendim i drejtë dhe i arsyetuar.