Pretendimet e fundit të Milosh Medenica lidhur me rolin e Boban Baçoviqit në vrasjen e gjashtë të rinjve serbë në kafenenë “Panda” në Pejë më 14 dhjetor 1998, kanë rikthyer në vëmendje një nga rastet më të pazbardhura të periudhës së luftës në Kosovë. Medenica pretendon se Baçoviqi, i lidhur më parë me Shërbimin e Sigurimit të Shtetit të Serbisë, ka qenë pjesë e një operacioni të organizuar për të krijuar justifikim për ndërhyrje ushtarake dhe policore, duke vrarë brutalë gjashtë civilë serbë, përfshirë pesë të mitur.