Kompania Rajonale e Ujësjellësit “Prishtina” ka njoftuar për ndërprerje dhe reduktime të furnizimit me ujë në disa zona të Prishtinës, Fushë Kosovës dhe Obiliqit. Shkak i kësaj situate është një defekt në gypin kryesor me diametër Ø1200 mm në zonën e Shkabajt, që ka shkaktuar ndërprerje të furnizimit në lagjen Kalabria dhe zonat përreth. Reduktimet e ujit pritet të zgjasin nga ora 11:00 deri në 17:00, ndërsa ekipet teknike janë në terren dhe po punojnë për sanimin e defektit. Kompania falënderon qytetarët për mirëkuptimin dhe paralajmëron se ndikime në furnizim mund të ketë edhe në zona të tjera të Prishtinës.