Forcat speciale të RENEA-s kanë zhvilluar një aksion të befasishëm në zonën e Ujit të Ftohtë në Vlorë, ku janë angazhuar rreth 40 efektivë dhe rreth 10 mjete, përfshirë automjete të blinduara. Operacioni është monitoruar edhe nga ajri me përdorimin e një droni për të koordinuar veprimet në terren dhe ka përfshirë bashkëpunimin e SPAK dhe Byrosë Kombëtare të Hetimit. Ky aksion vjen pas arrestimit të Florjan Plakut në Orikum dhe sekuestrimit të telefonit të Pole Qorrit, ndërsa disa eksponentë të dyshuar kriminalë kanë qenë nën vëzhgim prej kohësh. Deri tani nuk ka njoftime zyrtare për objektivin e saktë të operacionit apo për persona të shoqëruar, por pritet që Policia e Shtetit të japë më shumë detaje në vijim.