Një ngjarje e rëndë ka ndodhur paraditen e së mërkurës në Teqenë e Koshtanit, Bashkia Memaliaj, ku Edison Pata, 45 vjeç, ka rënë nga skeleti në një lartësi prej 13 metrash. Ai dyshohet se ka humbur ekuilibrin gjatë punës dhe ka pësuar lëndime të rënda në gjymtyrë. Viktima u transportua menjëherë me autoambulancë në Spitalin Rajonal të Gjirokastrës për ndërhyrje të specializuar, ndërsa gjendja e tij raportohet kritike dhe në rrezik për jetën. Autoritetet dhe familjarët janë në pritje të zhvillimeve të mëtejshme lidhur me shëndetin e tij.