Një pjesë e fasadës së objektit ku ndodhen zyrat e Organizatës së Veteranëve të Luftës së Ushtrisë Çlirimtare të Kosovës është shkëputur dhe ka rënë në trotuar. Ngjarja ka detyruar njësitet emergjente të ndërhyjnë menjëherë në vendin e ngjarjes, duke rrethuar perimetrin me shirita për siguri. Aktualisht, mbetjet e fasadës janë të dukshme në trotuar, ndërsa nuk ka ende informacione për persona të lënduar. Autoritetet po vazhdojnë hetimet për të përcaktuar shkakun dhe pasojat e këtij incidenti.