Reperi Betim Januzi, i njohur si Buta, është liruar nga paraburgimi pas një muaji qëndrim në qeli, ku ishte dërguar më 13 prill nga Gjykata Themelore në Ferizaj. Ai ishte arrestuar nën dyshimin për shkaktim të rrezikut të përgjithshëm dhe posedim të paautorizuar të armëve, pas një incidenti në një parking afër një lokali ku pati përleshje dhe lëndime trupore. Gjatë ngjarjes, Buta u sulmua me një mjet të mprehtë dhe pësoi prerje në dorë dhe dëmtime të tjera, të dokumentuara me raport mjekësor. Avokati i tij, Naim Ferati, konfirmoi se masa e paraburgimit është zëvendësuar me detyrimin për paraqitje në stacionin policor, duke lejuar lirimin e reperit nga qelia.