Reperi Gramos Krasniqi, i njohur si “Mossi”, së bashku me disa persona të tjerë kanë sulmuar fizikisht gazetarin Burim Pacolli. Ngjarja ka ndodhur pranë rrethit të “Interex”-it në Prishtinë, ndërsa Pacolli po kryente shërbime personale bankare. Sulmi lidhet me analizat dhe recensionet muzikore që Pacolli kishte bërë për pesë “freestyle”-at më të fortë të reperit Meriton Mjekiqi, ku përfshiheshin edhe dy “diss”-at e reperit Betim Januzi “Buta” ndaj Mossi-t. Kjo ngjarje ka shkaktuar reagime për dhunën ndaj gazetarëve dhe rëndësinë e respektimit të lirisë së shprehjes.