Një ngjarje alarmante ndodhi në fshatin Pantinë të Vushtrrisë, ku tre punëtorë të Kompanisë Rajonale të Ujësjellësit “Mitrovica” u sulmuan nga një konsumator 41-vjeçar pas shkyçjes së ujit për shkak të borxhit. Personi i dyshuar i bllokoi rrugën ekipit, nxori revolen dhe e drejtoi atë në ballë të stafit, duke shkrepur mbi kokën e tyre, por fatmirësisht pa shkaktuar viktima. Pas këtij incidenti, punëtorët janë shumë të shqetësuar dhe janë liruar nga puna për t’u rehabilituar, ndërsa i dyshuari vazhdon të jetë në kërkim nga policia. KRU “Mitrovica” ka bërë edhe shumë shkyçje të tjera për borxhe gjatë muajit, duke theksuar vështirësitë që hasin në përballimin e pagesave nga konsumatorët.