Në Gjykatën Themelore në Prishtinë po vazhdon rigjykimi ndaj Egzon Abazit, i akuzuar për vrasje të rëndë në tentativë, ku në sallë dëshmon edhe i dëmtuari Lorenc Xhemshiti. Ky i fundit deklaroi se ishte sulmuar nga katër ose më shumë persona pranë banesave sociale në Hajvali, por nuk arriti të identifikojë sulmuesit. Prokuroria njoftoi se Xhemshiti do t’i nënshtrohet ekzaminimit psikiatrik për të verifikuar gjendjen e tij psikike. Në këtë rast penal, akuzohet edhe Luan Vitija për ndihmë pas kryerjes së veprës, ndërsa të akuzuarit konsiderohen të pafajshëm derisa të provohet fajësia me vendim të formës së prerë.