Më 27 mars 2026, Gjykata Themelore në Mitrovicë zhvilloi rikonstruktimin e vendit të ngjarjes lidhur me vrasjen e ndodhur më 23 mars 2025 në Vushtrri. I pandehuri B.D akuzohet për vrasje të rëndë, pasi qëlloi tri herë me pistoletë viktimën A.Z, duke i shkaktuar dëmtime të rënda në mushkëri dhe mëlçi që çuan në gjakderdhje masive dhe vdekje të menjëhershme. Viktima ndërroi jetë në Repartin e Emergjencës të Spitalit të Vushtrrisë, ndërsa të shtënat në rrugë publike rrezikuan edhe jetën e pjesëmarrësve në komunikacion. Rikonstruktimi u zhvillua në prani të prokurorit, mbrojtësit të të pandehurit, dëshmitarëve dhe ekspertëve forenzikë, duke respektuar plotësisht Kodin e Procedurës Penale të Republikës së Kosovës.