Kompania Rajonale e Ujësjellësit “Prishtina” ka përfunduar me sukses sanimin e gypit kryesor të ujit në lokacionin Shkabaj, i cili kishte shkaktuar ndërprerje në furnizimin me ujë. Pas përfundimit të punimeve, furnizimi me ujë është duke u rikthyer gradualisht në zonat e prekura, përfshirë Fushë Kosovën, Obiliqin dhe lagjen Kalabria, dhe pritet të normalizohet plotësisht gjatë ditës së sotme. KRU “Prishtina” falënderon konsumatorët për mirëkuptimin dhe durimin gjatë periudhës së ndërprerjes dhe punimeve. Ky intervenim tregon angazhimin e ekipeve për të siguruar rikthimin sa më të shpejtë të shërbimit për banorët e zonave të prekura.