Ministria e Infrastrukturës dhe Transportit ka përfunduar sanimin e segmentit rrugor të dëmtuar nga vërshimet e fundit në Dardani të Ferizajt. Menjëherë pas reshjeve intensive, ekipet u angazhuan për vlerësimin dhe koordinimin e masave të nevojshme, ndërsa operatori ekonomik nisi punimet pa vonesë. Sot është realizuar asfaltimi i pjesës së dëmtuar, duke rikthyer qarkullimin në kushte normale dhe të sigurta për qytetarët. Ministria falenderon qytetarët për durimin dhe operatorët për reagimin e shpejtë, duke theksuar rëndësinë e ndërhyrjes së menjëhershme për minimizimin e pasojave të fatkeqësive natyrore.