Sot në Varrezat e Dëshmorëve të Kombit në Bletaj, u bë rivarrimi me nderime shtetërore i dëshmorit Bekim Zenuni, një heroi i luftës për lirinë e Kosovës. Në ceremoni morën pjesë familjarë, bashkëluftëtarë, përfaqësues institucionalë, organizata të dala nga lufta e UÇK-së dhe qytetarë të shumtë, të cilët nderuan jetën dhe sakrificën e tij të jashtëzakonshme. Kryetari i Komunës së Vushtrrisë, Ferit Idrizi, theksoi se sakrifica e dëshmorëve si Zenuni do të mbetet udhërrëfyes për brezat që vijnë dhe një kujtim i përhershëm i çmimit të lirisë. Ky rivarrim përforcon lidhjen e brezave me historinë e lavdishme të Kosovës dhe nderon përjetësisht veprën e dëshmorit Bekim Zenuni.