Mesfushori i Manchester City dhe i Kombëtares së Spanjës, Rodri, është përballur me ankesa nga fqinjët e tij në Salford për shkak të hobit të pazakontë, fluturimin e dronëve pranë dritareve të apartamenteve. Banorët kanë shprehur shqetësim për cenimin e privatësisë dhe kanë njoftuar policinë, duke dyshuar për shkelje të rregullave të përdorimit të dronëve dhe mundësinë e voajerizmit. Policia e Manchesterit ka konfirmuar nisjen e hetimeve dhe pritet të marrë në pyetje futbollistin për njohurinë e tij mbi rregullat e fluturimit dhe mbrojtjen e privatësisë. Rregullat e Civil Aviation Authority kërkojnë respektimin e privatësisë dhe regjistrimin e pilotëve të dronëve, ndërsa Rodri është një figurë e njohur në futboll, fitues i Topit të Artë në vitin 2024.