Gjykata Themelore në Ferizaj ka caktuar 30 ditë paraburgim për një të mitur, i dyshuar për pjesëmarrje në një rrahje të dhunshme dhe dëmtim të pasurisë. Ngjarja ka ndodhur më 13 gusht 2026, kur i mituri së bashku me dy persona të tjerë kanë sulmuar një viktimë pas një mosmarrëveshjeje të mëparshme që kishte ndodhur në Zvicër. Sulmuesit e kanë ndjekur viktimën me makinë, më pas e kanë goditur me thikë, grushte, shqelma dhe shkop druri, duke i shkaktuar lëndime të rënda trupore që kanë kërkuar trajtim në QKUK. Pas përleshjes, i mituri dyshohet se ka dëmtuar derën dhe inventarin e një biznesi, duke shkaktuar dëme materiale, dhe ndaj tij është caktuar masa e paraburgimit prej 30 ditësh, me mundësi ankese nga palët.