Mbrëmjen e sotme në Vushtrri ka ndodhur një përleshje masive mes disa personave, e cila ka përfunduar me arrestimin e gjashtë individëve nga policia lokale. Ngjarja u raportua rreth orës 20:00 dhe autoritetet menjëherë ndërhynë për të ndaluar përplasjen. Zëdhënësi i Policisë për rajonin e Mitrovicës së Jugut, Avni Zahiti, konfirmoi arrestimet dhe bëri me dije se ndaj të arrestuarve po zhvillohen procedurat e intervistimit. Policia vijon punën për zbardhjen e plotë të rrethanave që çuan në këtë incident të rëndë në qytetin e Vushtrrisë.