Mbrëmjen e së shtunës në Vushtrri, në rrugën “Galip Badivuku”, ka ndodhur një rrahje mes pesë personave. Dy prej tyre kanë pësuar lëndime trupore dhe kanë marrë tretman mjekësor, ndërsa tre të tjerë janë shoqëruar në stacion policor. Pas intervistimit, njëri prej të dyshuarve është arrestuar dhe dërguar në mbajtje me vendim të prokurorit. Gjatë arrestimit, atij i është gjetur dhe konfiskuar një pistoletë me tetë fishekë.