Mbrëmë rreth orës 22:10 në rrugën “Imer Devetaku” në Shtime ka ndodhur një rrahje ku një person ka mbetur i lënduar. Policia ka reaguar menjëherë, duke shoqëruar në stacionin policor të dyshuarin M.A., 27 vjeç. I lënduari ka marrë trajtim fillestar në Qendrën Emergjente të Shtimes, më pas është transferuar në Spitalin Rajonal të Ferizajt dhe për shkak të natyrës së lëndimeve është dërguar në Qendrën Klinike Universitare të Kosovës për trajtim të mëtejshëm. I dyshuari është intervistuar në prani të avokatit mbrojtës dhe është ndaluar për 48 orë, ndërsa rasti po hetohet nga Sektori i Hetimeve të Stacionit Policor në Shtime.