Policia e Shkodrës ka zbardhur ngjarjen e grabitjes me armë ndaj një çifti turistësh gjermanë, e cila ndodhi rreth tre javë më parë në fshatin Domen. Në kuadër të operacionit të koduar “Rest time”, është arrestuar një 16-vjeçar, ndërsa dy të rinj të tjerë janë proceduar në gjendje të lirë dhe një bashkëpunëtor është shpallur në kërkim. Sipas hetimeve, më 9 qershor 2026, në aksin rrugor “Domen-Postribë”, të rinjtë dyshohet se iu morën 500 euro çiftit gjerman nën kërcënimin e armës gjatë natës. Policia vijon punën për kapjen e personit në kërkim dhe dokumentimin ligjor të plotë të rastit, ndërsa materialet iu referuan Prokurorisë pranë Gjykatës së Shkallës së Parë në Shkodër për veprime të mëtejshme.