Një stuhi e fuqishme me rrufe ka përfshirë zonat malore të Librazhdit, duke shkaktuar dëme të mëdha në blegtori. Dhjetëra goditje rrufesh janë regjistruar në Parkun Kombëtar të Shebenikut dhe në fshatra të ndryshëm si Sopoti, Polisi, Xhyra, Dardha dhe Spathari. Ngjarja më e rëndë ndodhi në fshatin Spathar, ku një tufë dhish u godit nga rrufeja dhe bagëtitë ngordhën në vend, ndërsa bariu që ishte pranë tufës mbijetoi me traumë psikologjike. Banorët e zonës e përshkruajnë stuhinë si një nga më të fortat e viteve të fundit, ndërsa aktiviteti i pandërprerë elektrik ka rrezikuar jetën e njerëzve dhe bagëtive në kullotat malore.