Milan Vukashinoviq, shtetas i Kosovës, u qëllua dhe u rrëmbye në fshatin Jellakcë brenda territorit të Kosovës nga persona të maskuar, për t’u dërguar më pas me forcë në Serbi. Ai mbeti i paralizuar pas një plumbi në shtyllën kurrizore dhe ka humbur një veshkë, ndërsa ndodhet nën masë paraburgimi dhe trajtim të pamjaftueshëm mjekësor nga autoritetet serbe. Një mik i tij, ish-zëvendësministri Radoica Radomiroviq, ka komunikuar me të dhe ka bërë të ditur se gjendja e Vukashinoviqit është rënduar për shkak të mungesës së kujdesit adekuat dhe transferimit pa dijeninë e familjes. Familja kërkon që ai të trajtohet jashtë Serbisë, në Kosovë ose në një vend të tretë, duke theksuar se trajtimi human i mjekëve shqiptarë në raste të ngjashme është një shpresë për shërimin e tij.