Komuna e Gjilanit, përmes Drejtorisë së Inspekcionit, ka realizuar rrënimin e një objekti të braktisur në lagjen Livadhet e Arapit, në zonën e Sheshi Jugu 2, pasi ai paraqiste rrezik të lartë për banorët dhe kalimtarët. Ky veprim u ndërmor pas ankesave të qytetarëve dhe vlerësimeve nga institucionet kompetente që konstatuan kërcënimin për sigurinë publike, veçanërisht për fëmijët që kalojnë në shëtitoren e lagjes. Drejtori i Inspekcionit, Isa Agushi, theksoi se rrënimi u krye në mënyrë të kontrolluar dhe pastrimi i hapësirës u mbikëqyr nga inspektorët komunalë. Autoritetet komunale njoftuan se do të vazhdojnë me identifikimin dhe largimin e objekteve të rrezikshme në qytet për të garantuar sigurinë e qytetarëve.