Aksidentet e fundit me fatalitet në rrugët e vendit kanë shkaktuar shqetësim të madh në opinion dhe rrjetet sociale, veçanërisht për shkak të rrëshqitjeve të dheut në autostrada. Eksperti i komunikacionit, Nol Dedaj, në një intervistë në emisionin GAZETA në Kanal 10, ka theksuar se faktori kryesor i këtyre aksidenteve është gjendja e keqe e rrugëve dhe mungesa e menaxhimit të duhur të rrëshqitjeve që kanë ndodhur prej vitesh. Ai ka alarmuar për nevojën urgjente të një inspektimi të përgjithshëm, sidomos me fillimin e sezonit të shirave të fuqishëm, që rrisin rrezikun për aksidente fatale. Dedaj ka nënvizuar se siguria në rrugë është në nivel zero dhe ka bërë thirrje për kujdes maksimal nga të gjithë përdoruesit e rrugës.