Midwest Poultry Services ka tërhequr vullnetarisht nga tregu rreth 19 milionë vezë të bardha dhe kafe për shkak të dyshimeve për kontaminim me bakterin Salmonella Enteritidis. Produktet e prekura janë shitur në disa rrjete supermarketesh në shtetet Teksas, Luiziana, Oklahoma, Arkansas, Misisipi dhe të tjera, ndërsa kompania ka ndaluar shpërndarjen e vezëve nga fermat e saj në Teksas. Autoritetet shëndetësore amerikanë theksojnë se deri tani nuk janë raportuar raste të sëmundjes nga këto vezë, por paralajmërojnë se salmonela mund të jetë shumë e rrezikshme, sidomos për fëmijët, të moshuarit dhe personat me sistem imunitar të dobësuar. Simptomat e salmonelozës përfshijnë dhimbje barku, diarre, të përziera dhe ethe, dhe shpërthime të ngjashme janë regjistruar edhe në vitet e kaluara, duke shkaktuar mijëra infeksione dhe dhjetëra shtrime në spital në SHBA.