Në Vlorë, një drejtues i një mjeti lundrues Jet Ski u ndëshkua me një gjobë prej 500 mijë lekësh pasi shkelte perimetrin e sigurisë pranë bregut në zonën e Karaburunit, duke rrezikuar jetën e pushuesve. Pas raportimeve dhe videos së dërguar nga qytetarët në Policinë e Shtetit, Policia Kufitare në bashkëpunim me Njësinë Policore Detare ndërhyri menjëherë dhe bllokoi mjetin pranë molit të peshkimit në territorin e SPK Triport. Drejtuesi i mjetit, identifikuar si E. U., u ndëshkua me masë administrative për shkeljen e rregullave të lundrimit. Policia e Shtetit apelon për respektimin e perimetrit të sigurisë dhe rregullave të lundrimit për të garantuar sigurinë e pushuesve përgjatë vijës bregdetare.