Një video e publikuar nga faqja Adventurous Vlog ka rikthyer vëmendjen te kujdesi në komunikacion, pas një momenti të rrezikshëm në rrugët malore të Thethit. Një motorrist rumun u përball me një situatë kritike kur një automjet, duke kaluar në korsinë e kundërt, i doli përpara në një kthesë të ngushtë, duke rrezikuar përplasjen ballore. Pavarësisht përqendrimit dhe kujdesit të motoristit, manovra e gabuar e drejtuesit të automjetit e detyroi atë të ngadalësojë dhe të manovrojë për të shmangur aksidentin. Në përshkrimin e tij, motoristi shpreh shqetësimin për sjelljen e pakujdesshme në rrugë, por edhe admirim për bukuritë natyrore të zonës, duke dërguar një mesazh të qartë për kujdes të shtuar në rrugët malore.