Mbrëmjen e 8 gushtit në zonën e rrugës “Komandant Kumanova” pranë “Liqenit të Mjellmave” në Shtime, një person i paidentifikuar dyshohet se ka drejtuar një laser ndaj një aeroplani në fluturim me shenjën GP-603. Piloti i aeroplanit ka raportuar incidentin dhe ka dhënë koordinatat e vendit nga ku besohet të jetë drejtuar laseri, duke alarmuar menjëherë policinë. Një patrullë policore ka shkuar në vendngjarje për të kontrolluar zonën, por nuk ka gjetur asnjë person apo shenjë që të lidhej me incidentin. Rasti është referuar Prokurorit kujdestar dhe është iniciuar procedura hetimore, ndërsa autoritetet vazhdojnë kërkimin për identifikimin e personit përgjegjës.