Një burrë rreth 50 vjeç, i identifikuar si Fluturim Salobehaj nga Mallakastra, ra aksidentalisht në një humnerë të thellë rreth 50 metrash gjatë tentativës për të riparuar një tubacion uji pranë fshatit Kapaj. Ai pësoi dëmtime në këmbë dhe në pjesë të tjera të trupit, por falë ndërhyrjes së shpejtë të shërbimeve zjarrfikëse, policisë dhe ambulancës, u shpëtua dhe u transportua drejt Spitalit Rajonal të Fierit. Sipas informacioneve paraprake, gjendja e tij është jashtë rrezikut për jetën. Operacioni i shpëtimit u zhvillua me sukses në mbrëmjen e së martës, duke shmangur një tragjedi të mundshme.