Në Kosovë po vërehet një rritje e interesimit për dhurimin e gjakut, me aksione të shumta në gjithë vendin që synojnë të mbajnë rezervat e gjakut në nivele të qëndrueshme. Forca e Sigurisë së Kosovës ka marrë një rol të rëndësishëm në këtë nismë, duke kontribuar me dhurues vullnetarë dhe duke inkurajuar qytetarët të bëhen pjesë e këtij procesi jetik për shëndetin publik. Albana Beslimi-Krasniqi, ushtruese e detyrës së drejtoreshës ekzekutive të Qendrës Kombëtare për Transfuzionin e Gjakut, thekson se rezervat janë stabile aktualisht, por kërkesat për gjak janë dinamike dhe ndryshojnë sipas nevojave të klinikave. Një dhurues i rregullt, Fatmir Gërguri, ndan përvojën e tij të gjatë, duke nënvizuar rëndësinë e kthimit të dhurimit të gjakut në një praktikë të rregullt solidariteti për shpëtimin e jetëve.